UMUHIMU WA JULAI 4 KWA WAMAREKANI

Balozi wa Marekani nchini, Dk. Michael Battle, akizungumza wakati wa hafla ya kuadhimisha siku ya Uhuru wa Marekani katika makazi yake Oysterbay jijini Dar es salaam.

Na Mwandishi Wetu, The Page

Balozi wa Marekani nchini, Dk. Michael Battle amesema wataendelea kudumisha uhusiano uliopo baina ya Tanzania na nchi hiyo ambao uliasisiwa kwa miaka mingu.

Dk. Battle ameyasema hayo Julai 4,2024 wakati wa hafla ya kuadhimisha siku ya Uhuru wa Marekani katika makazi yake Oysterbay jijini Dar es salaam.

"Baba wa Taifa (Mwalimu Julius Nyerere) alisafiri kwenda Marekani mwaka 1960, miezi sita baadaye Rais Kennedy alimkaribisha katika Ikulu ya Marekani. Bill Clinton, George Bush na Barack Obama wote walikuwa na ushirikiano mkubwa na Rais Jakaya Kikwete.

"Mwaka jana (2023) Makamu wa Rais wa Marekani alitembelea Tanzania na kukutana na Rais Samia, tunatarajia Rais Biden ataendeleza uhusiano uliopo...muhimu zaidi ni uhusiano wa kila siku kati ya wananchi wa Marekani na wananchi wa Tanzania," amesema Dk. Battle.

Waziri wa Mambo ya Nje na Ushirikiano wa Afrika Mashariki, January Makamba, akizungumza wakati wa maadhimisho ya Siku ya Uhuru wa Marekani iliyofanyika nyumbani kwa Balozi wa Marekani, Dar es Salaam.

Umuhimu wa Julai 4 kwa Wamarekani

Julai 4, 1776 Rais Thomas Jefferson, alitangaza kupatikana kwa uhuru wa koloni 13 za Marekani kutoka utawala wa Uingereza.

Umuhimu wa Julai 4 kwa Wamarekani unatokana na sababu kadhaa ;katika siku hii Kongresi yao ilipitisha rasmi Tamko la Uhuru, ambalo lilielezea matamanio ya koloni kuunda taifa tofauti lililo huru kutoka utawala wa Uingereza.

Tamko hilo la Uhuru lilikuwa alama ya uhuru kamili na demokrasia. Liliainisha msingi ya uhuru, usawa, na kutafuta furaha ambayo ina maana kubwa kwa maadili ya Marekani.

Kupitishwa kwa Tamko kuliweka msingi wa Vita vya Mapinduzi, hatimaye kupelekea kuanzishwa kwa Marekani kama taifa huru. Ushindi katika vita na mkataba wa amani uliofuata na Uingereza ulithibitisha Julai 4 kama tarehe muhimu katika historia ya Marekani.

Kwa Wamarekani, kuadhimisha siku ya Uhuru Julai 4 kumekuwa jadi ya muda mrefu, ikitia nguvu umoja wa kitaifa na uzalendo.

Siku hiyo huadhimishwa kwa sherehe mbalimbali ikiwemo fataki, gwaride, matamasha na mikusanyiko ya familia ambayo huleta watu pamoja kusherehekea urithi wao wa pamoja.

Ingawa tarehe nyingine, kama vile kusainiwa kwa Katiba au kumalizika kwa Vita vya Mapinduzi, pia ni muhimu, Julai 4 ina umuhimu wa kipekee wakati ambapo koloni za Marekani zilichukua msimamo thabiti kwa uhuru wao. Siku hii tangu hapo imekuwa sikukuu ya kitaifa inayoheshimu misingi ya nchi na roho ya kudumu ya watu wake.